Kufunwa owokufika okhale wemuka nobucwebe bezigidi, komqashi wakhe eThekwini

Isithombe: Sithunyelwe

Amaphoyisa, eThekwini athungatha owesifazane wokufika waseMalawi osolwa ngokweba ubucwebe obubiza cishe u-R1 million kanye nemali bomqashi wakhe abemsebenzela njengomsizi wasendlini.

Ngokusho komqashi, umsolwa abemazi njengoFatima Lawerence, okukholakala ukuthi usebenzisa igama elithi Esther njengoba libonakala epasipoti yakhe. Uneminyaka engu-28 ubudala futhi unendodakazi eneminyaka emihlanu (5).

Impahla eyebiwe ilesisebenzi ihlanganisa ubucwebe begolide, okuhlanganisa nezinhlamvu zemali eziningana zeKruger. Iqoqo, elibiza cishe u-R1 million, linenani njengoba lidluliselwe ezizukulwaneni ngezizukulwane.

Kubikwe ukuthi imali eyengeziwe engu-R10,000 nayo yebiwe. Umqashi weluleke ngokuthi uLawerence ubesebenza njengesisebenzi sasekhaya iminyaka engaba yisikhombisa (7). Kukholakala ukuthi angase azame ukubalekela eMalawi.

Umndeni uthole ngalenhlekelele yokwebiwa ngemuva kokubuya ekhaya cishe ngo-17:30 ntambama, kanti kucelwa noma ngabe ubani onolwazi mayelana nokuthi ukuphi uLawerence ukuba axhumane neReaction Unit South Africa (RUSA) ngokushesha ku-086 1234 333.